اعىمداعى جىلدىڭ 5 شىلدەسىندە ەلباسى «ادۆوكاتتىق قىزمەت جانە زاڭ كومەگى تۋرالى» جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ادۆوكاتتىق قىزمەت جانە زاڭ كومەگى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭدارىنا (بۇدان ءارى - زاڭ) قول قويدى.
اتالعان زاڭدار ازاماتتاردىڭ بىلىكتى زاڭ كومەگىن الۋ كەزىندەگى كونستيتۋتسيالىق قۇقىعىن ىسكە اسىرۋدا ولاردىڭ قۇقىقتارىن, بوستاندىقتارى مەن زاڭدى مۇددەلەرىن قورعاۋدى نىعايتۋعا, سونداي-اق بىلىكتى زاڭ كومەگىن كورسەتۋ مەحانيزمدەرىن جەتىلدىرۋگە باعىتتالعان.
زاڭمەن ازاماتتاردىڭ كونستيتۋتسيالىق قۇقىقتارىن جۇزەگە اسىرۋعا جانە كەلەسى ماسەلەلەردى شەشۋگە باعىتتالعان بىرقاتار شارالار كوزدەلگەن:
- زاڭ كومەگىن زاڭگەر ماماندارىنىڭ وكىلدەرىمەن جەتكىلىكسىز ساپادا كورسەتۋ;
- ازاماتتاردى جوسىقسىز ادۆوكاتتار مەن جەكە تاجىريبەمەن اينالىساتىن زاڭگەرلەردىن ارەكەتتەرىنەن قورعاۋ مەحانيزمىنىڭ بولماۋى;
- ءبىلىمنىڭ جىلدام ەسكىرۋى جانە بىلىكتىلىكتى تۇراقتى كوتەرۋ قاجەتتىلىگى;
- ادۆوكاتتاردىڭ تاپشىلىعى;
- ادۆوكاتتار القالارىنىڭ قىزمەتىندە اشىقتىق پەن ايقىندىقتىڭ بولماۋى.
اتاپ ايتقاندا, زاڭ كومەگىن كورسەتەتىن سۋبەكتىلەردىڭ جاۋاپكەرشىلىگىن كوتەرۋ ماقساتىندا ساپاسىز زاڭ كومەگىن كورسەتكەنى ءۇشىن ولاردى جاۋاپكەرشىلىككە تارتۋ ءتارتىبى قايتا قاراستىرىلدى.
زاڭمەن قۇرامىندا 6 ادۆوكات, قوعامنىڭ 3 وكىلى جانە وتستاۆكاداعى 2 سۋديا بار تارتىپتىك كوميسسيالاردىڭ ەكى دەڭگەيلى جۇيەسى كوزدەلگەن, بۇل ازاماتتاردىڭ شاعىمدارىن وبەكتيۆتى جانە جان-جاقتى قاراستىرۋدى, اشىقتىق پەن ايقىندىقتى قامتاماسىز ەتەدى.
2020 جىلدان باستاپ ادۆوكاتتاردىڭ, زاڭ كونسۋلتانتتارىنىڭ كاسىبي جاۋاپكەرشىلىگىن مىندەتتى ساقتاندىرۋ ەنگىزىلەدى, بۇل سەنىم بىلدىرۋشىلەرگە بىلىكتى زاڭ كومەگىن الۋعا جانە ساپاسىز زاڭ كومەگى كورسەتىلگەن جاعدايدا كەلتىرىلگەن زياندى وتەۋگە كەپىلدىك بەرەدى.
ادۆوكاتۋرانىڭ ساپالى قۇرامىن جاقسارتۋ ماقساتىندا زاڭ نورمالارىمەن ادۆوكاتتاردىڭ جىلسايىن بىلىكتىلىگىن مىندەتتى ارتتىرۋ مەحانيزمى كوزدەلگەن, بۇل ناتيجەسىندە ادۆوكاتپەن كورسەتىلەتىن قىزمەتتەردىڭ ساپاسىن جانە باسەكەگە قابىلەتتىلىگىن جاقسارتۋعا سەبەپ بولادى.
ادۆوكات ماماندىعىنا قول جەتىمدىلىگىن, تيىسىنشە ادۆوكاتتار اراسىنداعى باسەكەنىڭ كوتەرىلۋىن جانە ادۆوكاتتاردىڭ قاتارىنا جاس زاڭگەرلەردىڭ قوسىلۋىن قامتاماسىز ەتۋگە مۇمكىندىك بەرەتىن باستاپقى نىسانالى جارنا تۇرىندەگى م ۇلىكتىك كەدەرگىنى الىپ تاستاۋ كوزدەلدى.
زاڭمەن الەۋمەتتىك جانە قارجىلىق قيىن جاعدايداعى ازاماتتار ءۇشىن ادۆوكاتتان نەمەسە زاڭ كونسۋلتانتتارىنان, ءوزىنىڭ قۇقىقتىق جاعدايىن تولىق سۇيەمەلدەۋمەن اقىسىز زاڭ كومەگىن الۋ كوزدەلگەن
حالىقتى حاباردار ەتۋ جانە ءادىل باعا قالىپتاستىرۋ ماقساتىندا, ادۆوكاتتىڭ جانە زاڭ كونسۋلتانتتارىنىڭ قىزمەتىنە (قىزمەت تۇرلەرى بويىنشا) تولەنەتىن ورتاشا اقى ەنگىزۋ كوزدەلگەن. وسى اقپارات ادۆوكاتتار القالارىنىڭ جانە زاڭ كونسۋلتانتتارى پالاتالارىنىڭ سايتتارىندا اشىق قول جەتكىزۋگە ورنالاستىرىلادى, بۇل ازاماتتارعا قىزمەتتىڭ ورتاشا باعاسىن انىقتاۋعا جانە ونى اسىرىپ كوتەرمەلەۋىنە جول بەرمەۋگە مۇمكىندىك بەرەدى.
سونىمەن قاتار, زاڭناما تۇرعىسىنان جەكە تاجىريبەمەن اينالىساتىن زاڭگەرلەردىڭ قۇقىقتىق مارتەبەسى, قۇقىقتارى مەن مىندەتتەرى بەكىتىلەدى. وزدەرىڭىز بىلەتىندەي, بۇگىنگى تاڭدا سوتتا ازاماتتىڭ مۇددەسىن جوعارى زاڭ ءبىلىمى بار كەز كەلگەن ادام بىلدىرەدى, وسى رەتتە وسىنداي كومەك ءجيى ساپاسىز كورسەتىلەدى. سوندىقتان, سوتتا ازاماتتاردىڭ مۇددەسىن بىلدىرەتىن تۇلعالار ءۇشىن زاڭ كونسۋلتانتتار پالاتاسىنىڭ مۇشەسى بولۋ مىندەتى كوزدەلگەن, بۇل ءسوزسىز قازاقستانداعى زاڭ قىزمەتتەرىن كورسەتۋ نارىعىنىڭ دامۋىنا, زاڭ كومەگىنىڭ ساپاسىن جانە باسەكەگە قابىلەتتىلىگىن كوتەرۋگە سەبەپ بولادى.
بۇدان باسقا, ادۆوكاتتار جانە زاڭ كونسۋلتانتتارىنىڭ ءوزارا, ادۆوكاتتار القالارىمەن, زاڭ كونسۋلتانتتار پالاتالارىمەن, مەملەكەتپەن قارىم-قاتىناسىن رەتتەۋگە مۇمكىندىك بەرەتىن زاڭ كومەگى اقپاراتتىق جۇيەسىن ەنگىزۋ ارقىلى ادۆوكاتتار مەن زاڭ كونسۋلتانتتارىنىڭ قىزمەتىن اۆتوماتتاندىرۋ جانە وڭتايلاندىرۋ ۇسىنىلادى.
زاڭ نەگىزگى ماقساتى زاڭ كومەگىنىڭ اشىقتىعىن, ادىلدىگىن جانە ساپاسىن كوتەرۋ بولىپ تابىلاتىن بىرقاتار باسقا دا جاڭاشىلدىقتاردى قامتيتىنىن اتاپ وتكەن ءجون.
جالپى ايتقاندا, زاڭ نورمالارى حالىققا جوعارى بىلىكتىلىگى بار ماماندارمەن ساپالى جانە قول جەتىمدى زاڭ كومەگىن كورسەتۋگە باعىتتالعان.
زاڭدى قابىلداۋ تەرىس الەۋمەتتىك-ەكونوميكالىق سالدارلارعا اكەلمەيدى, سونداي-اق مەملەكەتتىك بيۋدجەتتەن قوسىمشا قارجى شىعىندارىن تالاپ ەتپەيدى.
